Фудбалерите на Тиквеш се подготвуваат за најважниот натпревар оваа сезона, бараж – мечот за пласман во Првата фудбалска лига. Во вторник (16 часот) на Националната арена „Тодор Проески“, Тиквеш ќе го предизвика Силекс, освојувачот на Купот на Македонија, во битката за пополнување на елитната фудбалска конкуренција.
На денешниот тренинг, фудбалерите и тренерот Пане Блажевски добија поддршка од градоначалникот на Кавадарци, Митко Јанчев, и од ветераните на ГФК Тиквеш. Тие им искажаа поддршка на фудбалерите во пресрет на дуелот кој може да го врати Кавадарци по подолг период на прволигашката фудбалска мапа.
