Бразилецот Нејмар се соочил со проблеми во текот на викендот, пред неделниот натпревар против Реимс. Во саботата по полноќ, околу еден часот наутро, во неговиот дом провалил човек кој побегнал од психијатриска клиника и сакал да му даде порака на фудбалерот на Пари Сен Жермен.
„Имавме неочекуван гостин кој во доцните часови ја прескокна високата ограда и провали во домот. Со себе носеше библија. Полицијата брзо интервенираше и нема поголем инцидент“, изјави Нејмар.
Човекот кој побегнал од психијатриската клиника тврдел дека треба да пренесе порака од Господ на Нејмар.
