Работнички ја пронајде победничката формула. Пред самиот крај на есенскиот дел од првенството, тимот на „романтичарите“ почна да функционира според вкусовите на Ратко Достаниќ. Работнички ја забележа втората последовна победа на домашен терен и тоа остварена со доминантна игра против Ренова.
Многу создадени шанси, офанзивен фудбал, тркачки доминантен тим, нагласена желба за триумф. Ако можеби и може да се најде некоја маана, реализацијата треба да биде многу подобра.
Ратко Достаниќ ги склопи коцките во мозаикот на Работнички и е избран за најдобар тренер на 16.коло во Првата фудбалска лига.
