Реал Мадрид доживеа елиминација во Лигата на шампионите, но капитенот Серхио Рамос вели дека тимот мора веднаш да се фокусира на настапите во Ла Лига. „Кралскиот клуб“ е во трка со Атлетико Мадрид и со Барселона за освојување на шампионската титула во Шпанија.
„Разочарани сме, но Реал Мадрид секогаш се враќа посилен. Никогаш не потонува. Историјата на Реал Мадрид е искована преку победи, но клубот секогаш се опоравувал од своите порази. Имаме уште за игра во Ла Лига и ќе се бориме да ја освоиме. Хала Мадрид“, истакна капитенот на Реал Мадрид.
„Кралевите“ в недела ја пречекуваат Севилја во 35.коло од Ла Лига.
