Чеферин: Играчите од Суперлигата нема да играат на ЕВРО и на СП

Фудбалерите од клубовите кои ќе бидат дел од Европската Суперлига нема да имаат право на настап за националните селекции изјави денеска претседателот на УЕФА, Александер Чеферин.

„На играчите кои ќе играат во Суперлигата ќе им биде забранет настап на Светските и на Европските првенства. Тие нема да смеат да играат за националните тимови“ – вели Чеферин по состанокот на Бордот на УЕФА.

Чеферин потврди дека Лигата на шампионите ќе продолжи без дванаесетте клуба кои се одметнаа во Суперлигата.