Пролетта е „романтична“. Работнички успеа да слави голем триумф (0-2) на гости против Шкупи и покажува дека може да се вмеша и во битката за највисок пласман, за излез на европска сцена. Кристијан Стојкоски го фати Шкупи на спиење уште во првата минута, по само 33 секунди, а Никола Прелчец го нокаутира тимот од Чаир во деветтата минута со уште еден гол.
Работнички е на шест бода од третопласираната Македонија ЃП, а претстои третиот круг од првенството во Првата фудбалска лига на Македонија.
