Скопје сака да ја сочува предноста на врвот и по денешното тешко гостување против Кораби во Дебар. Тренерот Љупчо Марковски и фудбалерите на тимот од Автокоманда сериозно му приоѓаат на овој дуел, а доказ за тоа е и фактот дека вечерта ја минаа во карантин.
Гостивар гледа можност да се доближи, а на домашен терен го пречекува Кадино. Велешта има слободен викенд со оглед дека Вардар Форино е префрлен во најнизок ранг на натпреварување откако немаше сили да го продолжи шампионатот. Дрита ќе го пречека Велазерими во обидот да обезбеди опстанок во второлигашката конкуренција.
