Реал Мадрид претстојниот викенд го игра можеби и најважниот меч во досегашниот дел од првенството во Ла Лига, гостува кај градскиот ривал Атлетико Мадрид кој е лидер на табелата. Тренерот Зинедин Зидан е среќен затоа што ќе го има во комбинација и најдобриот напаѓач Карим Бензема.
Тој дваесетина дена беше надвор од составот, но се опорави од повредата и денеска го имаше првиот тренинг со останатиот дел од екипата.
Атлетико Мадрид е лидер на табелата во првенството на Шпанија со 58 бода, а Реал Мадрид и Барселона имаат пет помалку, но и еден одигран натпревар повеќе.
