Моисе Кин позитивен на Ковид-19, ќе го пропушти реваншот со Барселона

Францускиот првак Пари Сен Жермен остана без Моисе Кин за натпреварот против Барселона во Лигата на шампионите. Тој е позитивен на Ковид-19 и веднаш е ставен во изолација, не беше со тимот ниту на гостувањето против Бордо (0-1) во францускиот шампионат.  

Италијанскиот напаѓач, кој е на позајмица во ПСЖ од англискиот премиерлигаш Евертон, игра одлично оваа сезона и на 27 натпревари успеа да постигне 15 гола.

Кин бил позитивен на редовното тестирање пред настапот во француското првенство.