Претседателот на Судискиот одбор на ФФМ, Емил Божиновски, доби големо признание од Судискиот комитет на УЕФА. Тој е одреден да биде контролор на реванш мечот од осминафиналето во Лигата на шампионите меѓу Реал Мадрид и Ајакс, кој ќе се одигра на 5.март на „Сантијаго Бернабеу“ во Мадрид.
Претходно, тој беше контролор и на дуелите Пари Сен Жермен – Ливерпул и ЦСКА Москва – Рома. Очигледно е дека Божиновски одлично котира меѓу контролорите за судење во УЕФА.
