Финалето на Карабао куп во Англија беше засенето од големиот скандал што го направи шпанскиот голман Кепа Аризабалага. Тој во очи на пеналите, во 120. минута, откако целиот тек на натпреварот мина без голови, одби да биде заменет. Не го послуша менаџерот Маурицио Сари, кој го подготви Вили Кабалјеро да влезе како замена и да ги брани ударите од белата точка.
Кепа Аризабалага искажа непослушност, скааше да остане на теренот иако претходно беше и повреден. Менаџерот Сари видно нервозен, фрлаше шишиња на клупата, потоа и го напушти теренот и замина во тунелот, но се врати да го води до крај својот тим. На крајот Челси го загуби финалето по изведување пенали со 4-3.
