Менаџерот на Ливерпул, Јирген Клоп, може да здивне. Убава вест за него и за сите фанови на актуелниот англиски шампион е дека Садио Мане и Тијаго Алкантара го победија коронавирусот. И двајцата се негативни на последните тестирања и ќе можат да му помогнат на тимот на градското дерби против Евертон.
Сепак, не е се така сјајно, затоа што Наби Кеита се уште е во изолација. Тој се покажа позитивен со уште четворица колеги од селекцијата на Гвинеја.
Градското дерби на Ливерпул се игра в сабота од 13.30 часот, како дел од петтото коло на Премиер – лигата.
