Алваро Мората е херојот на Јувентус, кој оствари триумф (0-2) на гости против Динамо Киев, на отворањето на новата сезона во Лигата на шампионите. Во отсуство на Кристијано Роналдо кој има коронавирус,шпанскиот интернационалец му покажа на Андреа Пирло дека на него може сериозно да смета.
Мората го отвори резултатот во 46.минута, а во финишот постигна уште еден погодок за потврда на триумфот.
Зенит е шокиран на домашен терен од Клуб Бриж. Белгискиот тим во 94.минута дојде до триумф (1-2) со голот на Чарлс де Кетеларе. Претходно, Клуб Бриж поведе преку Емануел Денис во 63.минута, а израмни Дејан Ловрен во 74.минута со помош и на гостинскиот голман Хорват.
