Српскиот фудбалер Никола Нинковиќ имал тешка сообраќајна несреќа на патот од Лоповљани кон Загреб во Хрватска. Според неофицијални извори, тој имал директен судир со камион, а двајцата возачи не биле под дејство на алкохол.
Нинковиќ има сериозни повреди на главата и на телото и е пренесен во болница. Тој е поранешен фудбалер на Партизан, кој сега го носи дресот на Асколи. Играше и за Џенова, Киево и за Емполи, а пред неколку години се споменуваше и како можно засилување за Вардар.
