Шпанскиот гигант Реал Мадрид донесе одлука да не троши за засилувања во изминатиот преоден рок, пред се поради проблемите што ги донесе пандемијата на коронавирусот, но затоа следното лето ќе се фокусира на Франција. Покрај Килијан Мбапе, кој е главна цел на „кралскиот клуб“, Зинедин Зидан сака уште еден француски репрезентативец.
Тој е во потрага по квалитетен играч за врска кој би го наследил Лука Модриќ, а изборот паднал на 22-годишниот Хусем Ауар од Лион. Францускиот клуб е подготвен да го продаде Ауар доколку пристигне добра понуда, а Реал Мадрид според некои информации ќе плати 55 милиони евра.
За Хусем Ауар се интересираат и Јувентус, Манчестер Сити и Барселона.
