Полскиот интернационалец Аркадиуш Милик во зимскиот преоден рок би можел да се пресели во Интер, најавуваат медиумите на Апенините. Тој е во немилост на Џенаро Гатузо откако не успеа да направи трансфер во летниот преоден рок, а Антонио Конте би можел да го „спаси“ и да му понуди шанса во дресот на „нероаѕурите“.
Милик има договор до крајот на сезоната со Наполи, Интер би го земал на позајмица во јануари, а потоа и би потпишал перманентен договор со полскиот напаѓач. Тој би бил одлична алтернатива за Ромелу Лукаку и за Лаутаро Мартинез. во навалната линија. Тие се почесто се повредени, па Антонио Конте сака да има уште една добра опција за нападот на тимот.
