Пари Сен Жермен оствари важна победа (1-0) над Лајпциг и ги задржа шансите за пласман во нокаут фазата од Лигата на шампионите. „Светците“ славеа со голот од пенал на Бразилецот Нејмар во 11.минута. Лајпциг имаше неколку можности за израмнување, но имаше слаба реализација.
Алваро Мората во судиското продолжение донесе победа за Јувентус (2-1) дома над Ференцварош. Не му одеше на италијанскиот тим, гостите од Унгарија поведоа со голот на Мирто Узуни, а израмни Кристијано Роналдо. Јувентус се пласира во нокаут фазата, како и Барселона.
Борусија Дортмунд лесно го совлада Клуб Бриж со 3-0. Ерлинг Халанд беше двоен стрелец и стигна до 16 голови на 12 натпревари во ЛШ.
Манчестер Јунајтед на „Олд Трафорд“ го победи Башакшехир со 4-1. Бруно Фернандеш ги постигна првите два гола за „ѓаволите“, а потоа му го остави пеналот да го реализира Маркус Рашфорд за 3-0. Дениз Туруч од слободен удар го намали резултатот, а конечниот резултат го постави Даниел Џејмс.
Барселона и без Лионел Меси славеше на гости против Динамо Киев со 0-4. Сержињо Дест го отвори резултатот, потоа Мартин Братвајт постигна два гола за каталонскиот тим, а во финишот погоди Антоан Гризман.
Лацио со 3-1 го совлада Зенит. Чиро Имобиле беше двоен стрелец, а погоди и Пароло. Зенит постигна почесен погодок преку Артем Ѕјуба.
Standings provided by SofaScore LiveScore
Standings provided by SofaScore LiveScore
Standings provided by SofaScore LiveScore
Standings provided by SofaScore LiveScore
