Ерлинг Халанд продолжува во голем стил да ги тресе мрежите во Лигата на шампионите. Сега неговиот вкупен ефект е 16 постигнати гола на 12 натпревари во елитното европско клупско натпреварување. Досега вакво остварување немал ниту еден фудбалер во историјата.
Лусиен Фавр, тренерот на Борусија Дортмунд, се пошегува малку со Халанд. Го повлече од игра во 81.минута и го уфрли Марко Ројс, а потоа го „искара“ Норвежанецот. Му покажа дека постигнал „само“ два гола и дека не е задоволен од него. Секако, се работи за шеговит пристап на страгегот на „милионерите“.
