Поранешниот селектор на Аргентина Цезар Луис Меноти и помогна на Барселона да го доведе тогашниот млад и талентиран фудбалер Диего Марадона од Бока Јуниорс на „Камп Ноу“. Во извештајот од скаутирањето на Марадона, Меноти опишал дека тој е чудо.
Досие: Диего Армандо Марадона
Оценка: Многу добар, извонреден. Брзина 9.5. Забрзување 9.5. Со топка 9.1 Без топка: 9.5 Агилност 9.5. Скок. 8
Психолошка страна: Ментална сила 10. Отпорност на прекршоци 10. Концентрација 10. Себичност 0. Карактер 10.
Карактеристика: Непобедлив
Техника: Извонреден, застрашувачки и ефикасен дриблер. Силен. Храбар. Одличен удар. Одличен пас. Максимално прецизен. Беспрекорна визија. Просечна игра со глава. Добар лидер. Знае да ја задржи топката.
Тактика: Комплетна фудбалска интелегенција. Комплетно чувство за фудбал.
Општи заклучоци: Млад. Роден 30.10.1960. Има неверојатна техника и дриблинг на високо ниво. Секогаш оди кон голот, знае кога треба да се ослободи од топката. Одлични рефлекси. Неговите кратки додавања и удари се чудо.
