Хрватскиот интернационалец Лука Модриќ е на добар пат да остане на „Сантијаго Бернабеу“ и следната сезона. Тој добил понуда од тренерот Зинедин Зидан и раководството на „кралскиот клуб“ да остане и наредната сезона во Мадрид.
Модриќ сака да ја продолжи соработката, дури и по цена да добие помала плата од досегашната. Свесен е дека со 35 години ќе мора да се согласи на значително намалување на приходите. Сепак, сака барем уште една сезона да одигра како фудбалер на Реал Мадрид во Ла Лига.
Модриќ и оваа сезона има одлични настапи, игра на врвно ниво и во Шпанија и во Лигата на шампионите.
