Ромелу Лукаку од пенал донесе триумф (1-0) за Интер во дербито против Наполи. Елиф Елмас влезе во игра во 84.минута и не успеа да спаси пораз, а „наполитанците“ дваесетина минути играа со играч помалку поради исклучувањето на Лоренцо Инсиње.
Интер сега се доближи само на бод до Милан на врвот на табелата. „Росонерите“ одиграа 2-2 на гости кај Џенова, за која Пандев не настапи поради болки во грбот.
Матија Дестро беше двоен стрелец за Џенова, а за Милан погодија Калабрија и Калулу.
Фиорентина ремизираше 1-1 против Сасуоло, а Сампдорија на гости ја совлада Верона со 1-2.
