Италијанскиот првак Јувентус доживеа шокантен пораз (0-3) на домашен терен од Фиорентина. Тимот на Андреа Пирло немаше своја вечер и губеше во текот на целиот натпревар, а од 17.минута остана со играч помалку поради грубиот старт на Квадрадо.
Душан Влаховиќ во третата минута ја доведе Фиорентина во водство, а по црвениот картон на Квадрадо беше јасно дека Јуве ќе има екстремно тешка задача. Во финишот, Алекс Сандро си постигна автогол во 76.минута, а пет минути подоцна Мартин Касерес постигна и трет гол за Фиорентина.
