Колумбискиот интернационалец Радамал Фалкао во јануари ќе го напушти Галатасарај, информираат медиумите во Турција. Тој често беше повреден од стартот на сезоната, а заработува огромна плата во Галатасарај, па раководството на клубот бара спогодбен раскин на договорот.
34-годишниот напаѓач од почетокот на сезоната одигра осум натпревари и постигна пет гола, но ќе го напушти Истанбул иако има актуелен договор до јуни 2022 година.
Негова следна дестинација треба да биде МЛС – лигата во САД. Фалкао во богатата кариера го носеше дресот на Порто, Монако, Атлетико Мадрид, Челзи и на Манчестер Јунајтед.
