Лидс Јунајтед одигра фантастичен натпревар и славеше со 0-5 на гости против Вест Бромвич Албион, а Езгјан Алиоски беше стрелец на погодок за својот тим. Во 31.минута, со силен удар откосо од левата страна ја затресе мрежата на ВБА. Погодија и Херисон, Родриго и Рафиња, а Сојерс си постигна автогол за почетно водство на Лидс.
Арсенал оствари втор триумф по ред во Премиер – лигата и полека излегува од кризата. Со голот на Александре Лаказет во 66.минута „топчиите“ славеа против Брајтон. Барнли со 1-0 го совлада Шефилд Јунајтед.
