Уругваецот Луис Суарез на почетокот на сезоната ја напушти Барселона и се пресели во Атлетико Мадрид, а сега блеска на „Ванда Метрополитано“ и составот на Диего Симеоне е лидер на табелата во Ла Лига. Прашање за Роналд Куман, дали тој многу лесно се откажа од услугите на одличниот голгетер.
„Јас не донесов одлука Луис Суарез да замине од Барселона. Напротив, јас го сакав во тимот, тој е одличен напаѓач, тренираше вредно и напорно додека беше во составот. Но, потоа замина на разговори со раководството и донесена беше одлука дека ќе го напушти „Камп Ноу“. Во такви ситуации тренерот едноставно ништо не може да стори. Потоа се дозна дека Суарез ќе го засили Атлетико Мадрид и веднаш беше јасно дека ривалот добива одличен фудбалер“, открива Роналд Куман.
Барселона без Луис Суарез оваа сезона има сериозни проблеми со реализацијата и е далеку од врвот на табелата во првенството на Шпанија.
