Арсенал на Микел Артета конечно влезе во посакуван ритам и ја оствари третата последовна победа во Премиер – лигата, совладувајќи го Вест Бромвич Албион убедливо на гости со 0-4. Во снежна атмосфера, „топчиите“ беа бескрупулозни и ја наполнија мрежата на домаќинот.
Киран Тирни ја отвори серијата во 23.минута, а пет минути подоцна Бакајо Сака зголеми на 0-2. Во вториот дел Александре Лаказет постигна уште два гола за вистинска рапсодија на избраниците Микел Артета.
Арсенал сега се наоѓа на 11.позиција на табелата со 23 бода, и тоа само шест помалку од третопласираниот Тотенхем.
