Норвешкиот интернационалец Мартин Одегард би можел да пристигне на позајмица во Арсенал до крајот на сезоната, откриваат медиумите на Островот. Тој е незадоволен од минутажа во тимот на Реал Мадрид и му најавил на тренерот Зинедин Зидан дека сака да биде отстапен во вториот дел од сезоната за да игра многу повеќе во некоја друга средина.
Идејата е дека Одегард одлично би се вклопил во младиот состав на Арсенал, а Микел Артета не би имал против да го добие одличниот играч за врска на „Емирати“. Покрај Арсенал, во опција за нова позајмица секако е и поранешниот клуб на Одегард, Реал Сосиедад.
