Францускиот стратег Зинедин Зидан е позитивен на коронавирус. Тој покажал позитивен тест на Ковид-19 и веднаш е изолиран од останатиот дел од тимот. Зидан нема да биде дел од експедицијата на гостувањето против Алавес претстојниот викенд.
Засега нема информации дека други членови на стручниот штаб или пак фудбалери се позитивни на Ковид-19 иако имале блиски контакти со Зидан.
Французинот е под жестоки критики и поради елиминацијата на „кралскиот клуб“ од Купот на Шпанија од нисколигашот Алкојано, а има седум бода негатива и во однос на лидерот на табелата во Ла Лига, тимот на Атлетико Мадрид.
