Англискиот премиерлигаш Манчестер Сити се соочува со уште поголеми проблеми околу повредата на Кевин де Бруин. Иако најавите беа дека ќе паузира три седмици, сепак, повредата на бутниот мускул на Белгиецот е уште посериозна и лекарските проценки се дека ќе отсуствува и подолго од терените.
Според најновите информации, Кевин де Бруин ќе паузира најмалку еден месец, а отстуството може да биде и до шест седмици. Тој сигурно ќе го пропушти дербито против Ливерпул на 7 февруари, а би можел да се врати најрано кон крајот на следниот месец.
