Францускиот интернационалец Рафаел Варан размислува за заминување од „Сантијаго Бернабеу“ по завршувањето на сезоната. Тој смета дека го заокружил циклусот во кариерата во „кралскиот клуб“ и сега му е потребен нов предизвик.
Варан како младо момче допатува од Франција во Реал Мадрид во 2011 година и цела деценија е дел од „кралевите“. Чувствува дека треба да го напушти Мадрид и да се пресели во некој друг шампионат. Неговиот договор истекува во јуни 2022 година и најреално е тој да замине по завршувањето на оваа сезона.
За Варан се интересираат Манчестер Јунајтед и Манчестер Сити, а неговата вредност достигнува до 40 милиони евра.
