Барселона стигна до четвртата последовна победа во Ла Лига совладувајќи го Елче на гости со 0-2. Каталонскиот тим сега има 37 бода и се врати на третата позиција со седум бода негатива во однос на лидерот Атлетико Мадрид.
Човек на одлука на овој меч беше холандскиот интернационалец Френки де Јонг. Тој го постигна водечкиот гол за Барселона во 39.минута потврдувајќи ја акцијата на Антоан Гризман, а во финишот му асистираше на Рики Пуиг за потврда на триумфот во 89.минута.
