Македонскиот репрезентативец Енис Барди постигна прекрасен гол од слободен удар во 23.минута, а Леванте на крајот оствари убедлив триумф против Валјадолид на гости (2-4) и се пласираше во следната рунда на Копа Дел Реј. Барди играше до 55.минута кога на негово место влезе Радоја и полека се враќа во натпреварувачки ритам по паузата од два и пол месеци поради повреда на ’рбетот.
Тони го доведе Валјадолид во водство, а израмни Барди. Леванте на одмор замина со предност од 1-2 со голот на Малса. Во вториот дел, за гостите стрелаа и Коке и Моралес од пенал, а за Валјадолид погоди Вејсман.
