Францускиот првак Пари Сен Жермен го победи Олимпик Марсеј (0-2) во дербито на колото, но даде голема „жртва“. Маурисио Покетино остана без еден од своите големи адути за пресметката против Барселона од нокаут фазата во Лигата на шампионите. Првиот дуел се игра на 16. февруари на „Камп Ноу“.
Ди Марија одигра само десетина минути на дербито со Олимпик Марсеј. Тој беше асистент на првиот гол што го постигна Килијан Мбапе, а потоа се фати за мускулот и мораше да ја напушти играта. Првичните проценки се дека ќе отсуствува најмалку дваесетина дена од терените.
