Ливерпул го загуби можеби и најважниот меч во сезоната во Премиер – лигата. На „Енфилд Роуд“ доживеа дебакл од лидерот Манчестер Сити, загуби со 1-4 и практично ги загуби шансите за одбрана на шампионската титула. Сега тимот на Јирген Клоп има десет бода заостанување зад „граѓаните“ и еден одигран натпревар повеќе.
Трагичар на големото дерби беше голманот Алисон Бекер. за Ливерпул и неговите фанови тоа е дежа ву од еден претходен период кога на голот беше Лорис Кариус. Дури дел од навивачите и го поистоветуваат Алисон Бекер и неговите грешки со кобните на Кариус во финалето на Лигата на шампионите против Реал Мадрид, во мај 2018 година.
Алисон Бекер летото 2018 година дојде во Ливерпул од калчолигашот Рома за сума од 62,5 милиони евра, плус 10 милиони евра бонуси. Тој е најскапиот голман во светот и ваквите грешки едноставно за него се недозволиви, коментираат фановите на Ливерпул.
