Јувентус е првиот финалист во Купот на Италија, откако вечерва на домашен терен во Торино успеа да одигра без голови и ја одбрани предноста од првиот меч во Милано (1-2).
Интер беше поактивен во првото полувреме, Мартинез и Лукаку се заканија, но Буфон не дозволи да се тресе мрежата.
Во вториот дел Кристијано Роналдо и Дејан Кулушевски имаа шанси за Јуве, но Самир Хандановиќ беше на висина на задачата.
Утре се игра второто полуфинале во кое Аталанта ќе го пречека Наполи. На првата средба немаше голови.
