Кристијано Роналдо (40) повторно гостуваше во интервју кај Пирс Морган. Интервјуто ќе биде објавено оваа недела, соопшти Морган, кој имал 80-минутен разговор со Роналдо во неговиот дом во Саудиска Арабија. Некои делови од интервјуто веќе излегоа во јавноста, а еден од нив се однесува на разговорот за Лионел Меси.
Морган му ја прочитал на Роналдо изјавата на Вејн Руни, кој рекол дека не го мрази Роналдо, но смета дека Меси е подобар фудбалер од него.
Роналдо му одговорил:
„Немам проблем со таа изјава, но не се согласувам — јас сум подобар од Меси. Нема да се обидувам да бидам скромен.“
Роналдо пет пати ја има освоено „Златната топка“ и бил прогласен за најдобар фудбалер во светот во 2008, 2013, 2014, 2016 и 2017 година. Шестпати бил втор во изборот (2007, 2009, 2011, 2012, 2015 и 2018).
Меси, пак, осум пати ја освои „Златната топка“ (2009, 2010, 2011, 2012, 2015, 2019, 2021 и 2023), а пет пати бил втор (2008, 2013, 2014, 2016, 2017) — секогаш зад Роналдо.
