Италијанскиот шампион Наполи размислува да го засили тимот со Дани Себалјос по новата сериозна повреда на Кевин де Бруин. Белгиецот денеска е опериран и му следи долга пауза.
Тренерот Антонио Конте сака дополнително засилување во средината на теренот во зимскиот трансфер прозорец, а се чини дека Себалјос е идеална опција, бидејќи Шпанецот не е меѓу стартерите кај Чаби Алонсо.
Минатото лето, Себалјос одби да се врати во Бетис, верувајќи дека по заминувањето на Лука Модриќ ќе добие вистинска шанса во тимот, но тоа не се случи.
Наполи, од своја страна, е привлечна дестинација – клубот ќе се бори за Скудетото и повторно ќе биде конкурентен во домашното првенство, иако во Лигата на шампионите не спаѓа меѓу фаворитите.
