Фудбалската репрезентација на Македонија вечерва ќе го пречека Казахстан на домашен терен, во уште еден клучен натпревар од квалификациите за Светското првенство 2026.
Додека вниманието ќе биде насочено кон битката во Скопје, со големо интересирање ќе се следи и дуелот во Кардиф меѓу Велс и Белгија, кој може значително да ја промени сликата во групата.
Селекторот на Велшаните, Крег Белами, во пресрет на мечот изјави дека ситуацијата е отворена и дека секоја селекција сè уште има реални шанси за место на Мундијалот.
„Најубавото во оваа фаза е што имаме уште три натпревари до крајот. Ако ги добиеме сите три – одиме на Светско првенство. Истото важи и за Белгија и за Македонија,“ изјави Белами со оптимизам.
