Наполи го забележа осмиот пораз во Серија А оваа сезона откако загуби во Бергамо од Аталанта со 4-2. Македонскиот интернационалец Елиф Елмас беше стартер за „наполитанците“ и играше до 53.минута кога на негово место во игра влезе Лоренцо Инсиње.
Аталанта беше подобар ривал и со триумф се проби на четвртата позиција на табелата. Во првиот дел немаше ниту еден гол, но потоа паднаа дури шест во второто полувреме.
Запата во 52.минута донесе водство за Аталанта, а шест минути подоцна израмни Зиелински. Но, Аталанта повторно додаде гас и дојде до 3-1 со головите на Госенс и на Мјуриел. Наполи намали со автоголот на Госенс, но Кристијан Ромеро стави крај на надежите на „наполитанците“.
