Италијанскиот калчолигаш Лацио е пред голем предизвик, вечерва во пречекува европскиот и светски првак Баерн Минхен во првиот дуел од нокаут фазата во Лигата на шампионите. Тренерот Симеоне Инзаги изјави дека е невозможно да се надигра Баерн Минхен, но сепак смета дека неговиот тим е способен да приреди изненадување.
„Речиси е невозможно да го надиграш Баерн Минхен, но и претходно сме биле аутсајдери и сме знаеле да приредиме изненадување. Ќе им речам на фудбалерите да уживаат на дуелот со Баерн, такви мечеви се причина за која го сакаме фудбалот“, изјави Инзаги.
Баерн Минхен не победи на двата меча откако ја освои светската клупска титула во Катар.
