Легендарниот англиски фудбалер, сер Боби Чарлтон (83), се вакцинираше против Ковид-19 како дел од кампањата во Велика Британија со која властите сакаат да ги убедат граѓаните во корисноста на имунизацијата. Френсис Ли (76) исто така е дел од проектот. Славните фудбалери порачуваат дека само на ваков начин Велика Британија може да оствари победа против коронавирусот.
„Вакцинирањето против Ковид-19 не само што ќе придонесе да се спасат многу човечки животи, туку и ќе го врати животот во нормала. Добро е да се знае дека вакцините се комплетно сигурни и дека само може да помогнат во битката со вирусот кој го “заглави“ човештвото“, изјави сер Боби Чарлтон.
