Реал Мадрид е поблиску до пласман во четвртфиналето на Лигата на шампионите откако славеше на гости во Бергамо против Аталанта со 0-1. Стрелец на победничкиот гол беше левиот бек Ферлан Менди во 86.минута од мечот. Тој се одлучи на удар од дваесетина метри и успеа да ја погоди мрежата на Аталанта.
Италијанскиот тим најголем дел од мечот играше со фудбалер помалку поради исклучувањето на Ремо Фројлер во 17.минута од дуелот. Реваншот се игра во Мадрид по дваесет дена.
Манчестер Сити продолжи да победува и во Лигата на шампионите. Тимот на Пеп Гвардиола славеше со 0-2 на дуелот против Борусија Менхенгладбах што се одигра во Будимпешта. Бернардо Силва во 29.минута го отвори резултатот, а во вториот дел погоди и Габриел Хесус во 65.минута од мечот.
