Македонскиот прволигаш Силекс го доведе првото засилување за следната сезона. Со оглед дека кратовци ќе настапуваат во квалификациите за Конференциската лига, треба експресно брзо да го одработат преодниот рок, а се очекува на почетокот на јуни да стартуваат и со летните подготовки.
Првото засилување за Силекс доаѓа од Кипар, а се работи за Португалецот Мигуел Пиреш.
Тој има 28 години, игра како централен играч за врска во средниот ред и доаѓа од кипарскиот клуб Дигенис Акритас Морфу.
