Раководството на Ливерпул сериозно размислува да го продаде уругвајскиот напаѓач Дарвин Нуњез на крајот од сезоната.
Нуњез пристигна на „Енфилд“ во летото 2022 година од Бенфика за 85 милиони евра, но не ги оправда очекувањата.
Овој 25-годишен напаѓач сега е на радарот на Милан. Цената за неговиот трансфер е поставена на 50 милиони евра, а „росонерите“ се подготвени да го донесат на позајмица со обврска за откуп на договорот.
Во сезоната што е во тек, Нуњез има само седум голови и седум асистенции на 43 натпревари – премалку за толку голема инвестиција.
