Македонскиот репрезентативец Елиф Елмас игра во одлична форма во дресот на Торино во Серија А по враќањето во Италија. Тој постигна гол за Торино во ремито (2-2) против Парма, но и во целина одигра блескав меч со кој се препорача да биде избран и во најдобриот тим на колото во Серија А.
Тој е дел од средниот ред во тимот на колото, заедно со Хакан Чалханоглу (Интер), Мартен де Рон (Аталанта) и Кристијан Пулишиќ (Милан). Во тимот на колото се уште и голманот Раду, Бириндели, Валери, Запакоста, во одбраната, како и Пелегрино, Крстовиќ и Лукаку, во нападот.
