Претседателот на ФИФА, Џани Инфантино му подари персонализирана топка за Светското првенство 2026 на Доналд Трамп.
Во меѓувреме, стана јасно дека претседател на САД ќе го предводи организацискиот комитет на мундијалот.
„Организацискиот комитет ќе се погрижи секој навивач од секој агол на светот да се чувствува безбедно, среќно и дека сме создадале нешто посебно. Тука сме за да направиме најдобро шоу на планетата досега“, изјави Инфантино додека му ја подаруваше топката на Трамп, заедно и со дрес со неговото презиме.
