Фудбалскиот клуб Вардар денеска објави соопштение во кое ја информира јавноста дека започна процесот на одблокирање на клупската сметка. Од клубот истакнуваат дека постапката е во тек и дека наскоро се очекува целосно одблокирање на сметката, која беше под блокада во изминатите осум години од страна на претходните раководства.
„Денеска стапуваат во сила два договори – со приложена 120% гаранција за исплата на долгот кон УЈП на 36 рати и регулирање на обврските кон АД за изградба и стопанисување со станбен и деловен простор на 10 рати“, соопштија од најтрофејниот македонски клуб.
