Напаѓачот на Барселона, Роберт Левандовски, веќе се договорил со клубот за нова соработка, јавуваат „Мундо Депортиво“ и „Спорт“.
Полскиот голгетер ќе остане во каталонскиот клуб уште една сезона – до летото 2026 година.
Левандовски имаше клаузула во сегашниот договор, според која договорот автоматски ќе се продолжи ако игра во половина од натпреварите на Барселона. Ова ќе се случи веќе на домашниот натпревар против Рајо Ваљекано, кој ќе биде 34-тиот натпревар на Полјакот во оваа сезона.
Сепак, и покрај оваа клаузула, од Барселона одлучиле уште претходно да го продолжат договорот на 36-годишниот Левандовски.
