Напаѓачот на Реал Мадрид, Винисиус Жуниор изјави дека транспарентот што навивачите на Сити го истакнаа на трибините му послужил како дополнителна мотивација.
Пред натпреварот, навивачите на англискиот тим распослаа транспарент со слика од играчот од средниот ред, Родри, со „Златната топка“ и фразата „Престани да проливаш горчливи солзи“. Шпанецот го победи Бразилецот во гласањето за „Златната топка“ во 2024 година.
„Го видов тој транспарент. Кога противничките навивачи прават нешто вакво, тоа ми дава уште поголема сила да одиграм одличен натпревар – и тоа го направив тука. Никогаш не можат да ми ја нарушат концентрацијата противичките навивачи, само повеќе да ме мотивираат“, изјави Винисиус Жуниор.
