Ливерпул продолжува со доминантните настапи оваа сезона и обезбеди место во финалето на Лига купот. Тимот на Арне Слот го декласира Тотенхем со 4-0 на „Енфилд“, целосно надоместувајќи ја негативата од 0-1 од првиот натпревар.
На „Вембли“, Ливерпул ќе се соочи со Њукасл во битката за трофејот.
Коди Гакпо го отвори резултатот во 34. минута, а Мохамед Салах од пенал зголеми на 2-0 на почетокот на второто полувреме. Доминик Собослаи во 75. минута го постигна третиот гол, а конечниот резултат го постави Вирџил ван Дајк пет минути подоцна.
